Unterstützt die schweizer Wirtschaft

[Stefan]

Habe die Ehre,
so unterstütze i de schweizer Wirtschaft :

I ess guads Käsfondue (so wia i heit ...)

Rezept pro Person :
70g Appenzeller Kas
70g Gryerzer Kas
70g würzign Bergkas

pro Person 3 Zehen Knoblauch schälen haken, salzn, Peffer drüber gebn mit da Peffermühl, in Kirschwässerli eilegn dos ois bedeckt iss in a kloan seperatn Schüssl un für 30 ... 45 min ziagn lossn
oa kloa Zwiefi (oda a Bund Frühlingszwiefi) schäln kloa hakn un in des Caquelon (echt iss des nur aus da Schweiz) gebn. Muskatnuss un Pfeffer dro gebn
Mit trockenem Riesling, Müller Thurgau oder Scheurebe aufschüttn bis Gewürze grad bedeckt sant, aweng Paprika edel siass dro gebn.

Kas in Würfel kloa schneidn un nei gebn.

Bei kloana Hitzn langsam erhitzn, bis da Kas hoibat gschmolzn iss. Hitze erhöhn un unter guadn rührn erhitzn bis da Kas leicht köchlt. Knofi unterrührn; pro 210g seperat oan Essleffi Mehl in hoib Wein un hoib Kirschwaesserli koid mim Schneebessn unterziagn. Dann unter guadm Rührn in des Caquelon gebn un erhitzen, bis de Masse glatt iss un kurz für a Minutn aufbrodln lossn.

Derweil ungwürtzts Sauertog Brot ( in Minga isses de Pfister Zsonn oder Pfister Spezial) in ca. 1,5 cm Kantnlänge Brotwürfel schneidn, ca 5 min in 180 ... 200° Umluft im Ofnrohr oröstn, bis ds Brot schee obräunt iss ...

Rechaud oheizn, Caquelon drauf un am jedn an guadn Weisswein ( trockn ) dazua serviern. (A Kellerbier gaht a dazua) Olle 10 min an Schweizer Kirschwässerli osaugn un ois gniessn.

Stehts zsamma, derts de Schwizer unterstützn

Servus, Stefan